Dyma ffilm ardderchog gan ddisgyblion Llwyd y Coed a Nant y Fron. Yn dilyn gwaith yn y dosbarth ar y thema 'Byd nad yw'n bod' aethom ati i greu ffilm cyffrous am hen chwedl lleol. Mae'r ffilm 'Lle mae Lleu?' yn dod a stori Blodeuwedd, y stori sy'n rhoi ei enw i'n hysgol yn fyw mewn ffordd hollol ddychmygus a chyffrous. Dioch i'r arweinwyr creadigol Gwion Aled a Siwan Llynor.

Fel rhan o'n hastudiaeth am hanes Cymru, mae plant yn nosbarth Penyrorsedd wedi mynd ati i greu ffilm bwerus. Mae'r ffilm yn ein hatgoffa o'r drychineb ble cafodd pentref Capel Celyn ei foddi er mwyn creu cronfa ddwr ar gyfer gwasanaethu dinas Lerpwl. Diolch i Siwan Llynor am ei gwaith gyda'r plant.