Llywodraethwyr
Llywodraethwyr Ysgol Bro Lleu
Gweler isod am fanylion Corff Llywodraethol Ysgol Bro Lleu.
Cadeirydd – Mrs Elen Pritchard
Pennaeth – Mr Gerallt Jones
Athrawon – Mr Gareth Edwards
Staff ategol – Miss Fflur Jones
Clerc – Mrs Michelle Roberts
Is-Gadeirydd – Miss Sara Angharad Roberts
Cynrychiolwyr rhieni – Mr Alun Fôn Williams
Cynrychiolwyr yr Awdurdod Leol – Mr Ben Gregory, Cynghorydd Craig ab Iago
Cynrychiolydd y Gymuned – Mr Emlyn Jones
Beth mae llywodraethwyr ysgol yn ei wneud?
Tîm o bobl sy'n gweithio mewn cysylltiad agos â'r pennaeth i wneud penderfyniadau allweddol sy'n bwysig er mwyn rhedeg yr ysgol yn llwyddiannus yw llywodraethwyr ysgol. Y llywodraethwyr sy'n penodi'r pennaeth ac maent yn gwneud penderfyniadau sy'n effeithio'n uniongyrchol ar addysg a lles y plant. Maent yn chwarae rhan bwysig yn y gwaith o wella safonau drwy'r ysgol ac yn cytuno ar gyllideb yr ysgol. Mewn geiriau eraill, mae'n rôl bwysig iawn!
Sut alla i ddod yn rhiant lywodraethwr?
Os yw'ch plentyn yn mynychu ysgol, gallwch gael eich ethol yn rhiant lywodraethwr gan y rhieni. Mae ysgolion yn trefnu'r etholiadau hyn, ac yn rhoi gwybod amdanynt i'r rhieni a'r staff. Gallwch hefyd ddod yn llywodraethwr drwy gysylltu â'r ysgol er mwyn gweld a fyddent yn fodlon eich cyfethol neu drwy ofyn i'r awdurdod lleol, yr eglwys neu sefydliad a fyddent yn eich penodi.
Beth sydd gen i i'w gynnig?
Fel rhiant lywodraethwr, gallwch wneud cyfraniad gwerthfawr i'r gwaith o redeg yr ysgol. Byddwch yn gallu cynnig eich brwdfrydedd a'ch ymroddiad ac fel rhiant, byddwch yn deall pryderon rhieni eraill. Gall llywodraethwyr sydd â phrofiad o fusnes neu reolaeth, neu lu o sgiliau eraill, hefyd gynnig arbenigedd defnyddiol iawn i'r ysgol.
Beth fyddaf i'n ei gael yn ôl?
Gall bod yn llywodraethwr ysgol fod yn brofiad sy'n rhoi llawer iawn o foddhad. Byddwch yn chwarae rhan bwysig yn y gwaith o wella addysg y plant a chefnogi staff yr ysgol, ac mae rhoi llawer i'r ysgol a'r gymuned fel arfer yn golygu y byddwch yn cael llawer yn ôl. Mae bod yn llywodraethwr hefyd yn gyfle i ddatblygu sgiliau newydd neu ymarfer rhai sydd gennych yn barod a all eich helpu yn eich swydd o ddydd i ddydd, fel cadeirio cyfarfodydd, cynnig awgrymiadau a gofyn y cwestiynau iawn, siarad yn gyhoeddus, penodi staff, a helpu aelodau eraill sy'n newydd i'r gwaith neu sydd â llai o brofiad o waith pwyllgor.
Faint o amser mae'n ei gymryd?
Mae'r amser y mae llywodraethwyr yn gallu ei roi i'r rôl yn amrywio ond mae rhai pethau y mae'n rhaid iddynt allu eu gwneud, felly dylech fod yn ymwybodol o'r canlynol:
rhaid i'r corff llywodraethol gyfarfod o leiaf unwaith y tymor
mae'n debyg y disgwylir i lywodraethwyr wasanaethu ar o leiaf un pwyllgor a fydd yn cyfarfod yn amlach na hynny
cynhelir cyfarfodydd, ambell waith yn ystod y dydd, ond gan amlaf gyda'r nos
mae'n ofynnol i lywodraethwyr baratoi ar gyfer cyfarfodydd ac mae'n bosib y bydd llawer o bapurau i'w darllen
ni fydd person nad yw'n gallu paratoi ar gyfer cyfarfodydd a'u mynychu yn gallu gwneud cyfraniad effeithiol.
Os ydych yn meddwl y byddech yn hoffi cael mwy o wybodaeth am y pwnc, edrychwch ar rai o'r cysylltiadau gwe, a chysylltwch â'r ysgol.